Poñemos aquí ao voso dispor algunhas das gravacións inéditas de Muxicas, pertencentes a un traballo do ano 1995 chamado “Vigo nas sombras do tempo”e baixo a dirección musical de Xosé Manuel Fernández. Un espectáculo creado para a súa presentación na Porta do Sol en Vigo, explicando a historia da cidade dende as súas orixes á actualidade. Muxicas deseñou, compuxo e arranxou os temas que servían como soporte musical á proxección, nos edificios da Porta do Sol, das imaxes que ilustraban o devir da historia da cidade.
Nunca chegou a callar este proxecto polo desinterese do Concello de Vigo. Quedaron estas gravacións da maqueta presentada xunto coa memoria do proxecto e agora, vinte anos despois, facémolas públicas.
O noso agradecemento a Santi, o produtor e a Arturo Sabugueiro, amigo e enxeñeiro de son, pola súa confianza.
–Autor: Muxicas -Arranxos: Muxicas –Intérpretes: Seixos: Xosé Manuel Fernández e Liño Figueroa | Soalleiro de cunchas: Emilio Pichel | Cunchas: Manolo Vázquez “Rin Rin” | Buguinas: Xosé Manuel Fernández e Liño Figueroa | Tronco de carballo vaciado (tocado a catro mans): Xosé Manuel Fernández e Emilio Pichel | Cabazas: Xosé Manuel Fernández e Emilio Pichel | Corno: Xurxo Cabaleiro
